हलेसी तुवाचुङ नगरपालिका–७ महादेवस्थान खोटाङमा रहेको ककनीडाँडामा बुङालुङ (रक गार्डेन) बन्न लागेको छ । ५६ रोपनी क्षेत्रफलमा ढुंगेबगैंचा बन्न लागेको हो ।

५ करोड रुपैयाँमा ढुंगेबगैंचा बन्ने भएको छ । ककनीडाँडामा कलात्मक ढुंगा भएकाले यसको स्वरूप परिवर्तन नगरी ढुंगेबगैंचा निर्माण गर्न लागिएको हो ।

बगैंचामा ठाउँअनुसार फूल रोपिने, स–साना ढुंगाबाट गेट, ढुंगेसिँढी, अपांगमैत्री बाटो, ढुंगेधारा, भ्यु गेट निर्माण गरिनेछ । बगैंचामा बिजुली व्यवस्थापन, ढल, पिउनेपानी व्यवस्थापन, विश्रामस्थलका साथै खाजाघर निर्माण गरिनेछ ।